اسلام آباد۔2نومبر (اے پی پی) سپیکر قومی اسمبلی راجہ پرویز اشرف آکھیا جو صحافیاں دے خلاف جرائم دا خاتمہ ویلھے دی اہم لوڑھ اے کیونجو صحافت کوں ریاست دا اہم ستون اتے جمہوریت دا بنیادی جزو منیا ویندے۔ صحافیاں دے خلاف جرائم دے خاتمے دے جڳ ݙیھاڑ دے موقع تے آپݨے سنیھے اچ انہاں آکھیا جو ہر سال پوری دنیا اچ سینکڑاں صحافی پیشہ وارانہ ذمہ واریاں پوری کریندیں شہید تھیندن اتے تشدد دا نشانہ ٻݨدن۔ جمہوری اتے انصاف پسند معاشرے کیتے صحافی برادری دے خلاف تھیوݨ آلے جرائم دا خاتمہ ٻہوں ضروری اے۔ انہاں آکھیا جو اقوام متحدہ غزہ اتے بھارت اچ صحافیاں تے تھیوݨ آلی دہشت گردی اتے ٻئی دنیا دے حصیاں اچ تھیوݨ آلے جرائم دا نوٹس ڳھنے۔
