اسلام آباد۔6جولائی(اے پی پی) وزیراعظم محمد شہبازشریف احتساب ریفرنس اچ محمد نوازشریف دی بریت تے اظہار تشکر کریندے ہوئیں آکھیے احتساب عدالت دا فیصلہ گواہی ݙیندا پئے جو نوازشریف کوں سیاسی طورتے ضیان پڄاوݨ کیتے ڄاݨ ٻجھ تے کوڑے مقدمے اچ ملوث کیتا ڳیا ، ثابت تھی ڳئے جو نوازشریف کوں سیاسی نقصان پڄاوݨ کیتے نیب نیازی گٹھ جوڑدے ذریعے سیاسی انتقام دا نشانہ بݨایاڳیا ۔ وزیراعظم آفس دے میڈیا ونگ توں جاری بیان موجب وزیراعظم محمد شہباز شریف آکھیے اللہ دا شکر اے جو محمد نوازشریف کوں انصاف ملیے ، احتساب عدالت دا فیصلہ گواہی ݙیندا پئے جو نوازشریف کوں سیاسی طورتے ضیان پڄاوݨ کیتے ڄاݨ ٻجھ تے کوڑے مقدمے اچ ملوث کیتا ڳیا ۔ انہاں آکھیے عدالت منیے جو نوازشریف لاہور ہائی کورٹ اتےحکومت دی اجازت نال ٻاہرلے ملک ڳئے ، عدالت اے وی منیے جو نوازشریف ملک اچ ہوندے تاں تفتیش دا حصہ بݨدے ۔ وزیراعظم آکھیے اے ثبوت اے جو ڄاݨ بڄھ تے اوں ویلھے دی انتقامی حکومت نوازشریف کوں مفرور قرار ݙیوایا ، ثابت تھی ڳئے جو نوازشریف کوں سیاسی نقصان پڄاوݨ کیتے نیب نیازی گٹھ جوڑدے ذریعے سیاسی انتقام دا نشانہ بݨایا ڳیا ۔ انہاں آکھیے قائد محمد نوازشریف کوں مبارخ ݙیندا جو اللہ تعالی کوڑ تے مبنی ھک ٻئے مقدمے اچ انہاں کوں سرخرو کیتے ، امید اے جو محمد نوازشریف دے نال سیاسی مقاصد دی خاطر جیڑھا ظلم تے زیادتی کیتی ڳئی ِ، ایندے اچ انہاں کوں مکمل انصاف ملسی ۔
