لاہور۔28جون(اے پی پی)وزیر اعظم محمد شہباز شریف وزیرِ خزانہ دی اڳوآݨی اچ قومی ایئرلائن دی تنظیم نو، اصلاحات و بحالی کیتے اعلی سطح کمیٹی ٻݨا ݙتی اے ڄیڑھی عید توں بعد پی آئی اے بارے اپݨیاں تجویزاں اتے سفارشات کابینہ کوں پیش کریسن۔ وزیراعظم سہباز شریف آکھیے جو قومی ایئر لائن کوں خسارے توں کݙھݨ کیتے اصلاحات ضروری ہین۔ او اسلام آباد اچ پاکستان انٹرنیشنل ایئر لائنز بارے اعلیٰ سطح اجلاس نال الیندے پئے ہن۔ اجلاس اچ وفاقی وزیرِ ریلوے و ہوابازی خواجہ سعد رفیق وزیراعظم کوں پی آئی اے دی بہتری کیتے مجوزہ روڈ میپ اتے اصلاحات نبارے تفصیلی بریفنگ ݙتی۔ وزیراعظݨ آکھیا جو قومی ایئرلائن خسارے توں نکل آسی، پچھلی حکومت دے غیر ذمہ دارانہ بیانات پاروں قومی ایئر لائن کوں نقصان دا سامݨا اے، حکومت اینڄھا پالیسی نظام ٻݨیدی پئی اے جتھاں حکومت دا کم صرف پالیسی فیصلے اتے سرمایہ کاراں و کاروباری افراد و کمپنیاں کوں سہولیات ݙیسن۔اجلاس اچ وفاقی وزراء خواجہ سعد رفیق، اعظم نذیر تارڑ، مشیر وزیرِ اعظم احد خان چیمہ اتے متعلقہ حکام شرکت کیتی۔ وفاقی وزراء سید نوید قمر، محمد اسحاق ڈار، احسن اقبال، معاونِ خصوصی محمد جہانزیب خان اتے متعلقہ حکام وڈیو لنک تے شریک تھین۔ وزیراعظم پی آئی اے دی تنظیمِ نو، اصلاحات و بحالی کیتے ہک کمیٹی ٻݨائی اے جیندے اچ وفاقی وزیر خزانہ اسحاق ڈار، وفاقی وزیر ریلوے و ہوابازی خواجہ سعد رفیق، وفاقی وزیر منصوبہ بندی و ترقی احسن اقبال،وفاقی وزیر تجارت سید نوید قمر، معاون خصوصی جہانزیب خان اتے سیکرٹری ایوی ایشن شامل ہوسن۔ کمیٹی پی آئی اے دے امور خاص کر خسارے توں کݙھݨ کیتے سفارشات کابینہ کوں پیش کریسی۔
