رياض- 07 سيپٽمبر (اي پي پي) سعودي ولي عهد ۽ روسي صدر توانائي مارڪيٽ ۾ استحڪام آئڻ لاءِ ڪوششون جاري رکڻ تي اتفاق ڪري ورتو آهي، ميڊيا رپورٽن موجب سعودي عرب جي ولي عهد شهزادي محمد سلمان جي روسي صدر ولاديمير پيوٽن سان ٽيليفون تي رابطي دوران ٻنهي اڳواڻن توانائي جي عالمي مارڪيٽ جي استحڪام لاءِ ڪوششون جاري رکڻ تي اتفاق ڪيو آهي، ٻنهي اڳواڻن روس ۽ سعودي عرب جي ٻه طرفا لڳاپن ۽ مختلف شعبن ۾ انهن کي جديد ڪرڻ وارن موقعن جو جائزو ورتو، رابطي دوران گڏيل دلچسپي جي مختلف معاملن تي خيالن جي ڏي وٺ ڪئي، جن ۾ برڪس سربراهي ڪانفرنس پڻ غور هيٺ آئي جڏهن ته اقتصادي شراڪت داري ۽ برڪس ملڪن سان سهڪار جي حوالي سان پڻ ڳالهيون ڪيون.
