اسلام آباد – 04 – نومبر (اي پي پي) وزيراعظم عمران خان چيو آهي ته حڪومت ڪاروبار ۾ آسانين جي پاليسي تحت پرڏيهي سيڙپڪارن کي سموريون ممڪن سهولتون فراهم ڪري رهي آهي. وزيراعظم ميڊيا آفيس پاران جاري بيان موجب وزيراعظم ناڻي واري صلاحڪار شوڪت فياض ترين ۽ واپار واري صلاحڪار عبدالرزاق دائود ملاقات ڪئي. ناڻي واري صلاحڪار وزيراعظم کي مجموعي معاشي صورتحال بابت آگاهه ڪيو. واپار واري صلاحڪار وزيراعظم کي پنهنجي تازي ترڪمانستان دوري بابت آگاهه ڪيو. ملاقات ۾ واپار واري صلاحڪار جي ايران جي متوقع دوري تي پڻ ڳالهه ٻولهه ٿي. وزيراعظم خطي جي ملڪن سان واپاري رابطا مستحڪم ڪرڻ تي زور ڏنو جنهن سان روانگي واپار وڌائڻ ۾ مدد ملندي. وزيراعظم چيو ته حڪومت ڪاروبار ۾ آسانين جي پاليسي تحت پرڏيهي سيڙپڪارن کي هر ممڪن سهولتون فراهم ڪري رهي آهي.
