اسلام آباد۔27جولائی (اے پی پی) پاکستان ڈنمارک دے شہر کوپن ہیگن اچ پاکستانی سفارت خانے دے سامھے قرآن پاک دی بے حرمتی اتے پاکستانی پرچم دی توہین دی شدید مذمت کریندیں ہوئیں ڈنمارک دی حکومت نال شدید احتجاج کیتے۔ دفتر خارجہ دی ترجمان ولوں خمیس کوں جاری بیان اچ آکھیا ڳئیا جو اساں ڈنمارک دے حکام توں توقع کریندوں جو او نفرت اتے اشتعال انگیزی دی ایجھی کارروائیاں کوں روکݨ کیتے سارے ضروری اقدامات کریسن۔ بیان موجب ایجھی کاروائیاں دا مقصد دنیا دے ݙو ارب مسلماناں دی توہین کرݨ اتے برادریاں، ثقافتاں اتے ملکاں وچال انتشار پیدا کرݨ اے۔ ترجمان آکھیا جو اپݨے بیان اچ ٻیا آکھیا جو ایجھی کاروائیاں کہیں وی تعریف دے مطابق آزادی اظہار نی، آزادی اظہار رائے اتے احتجاج دے بہانے مذہبی منافرت دی اشتعال انگیز کارروائیاں دی موکل کوں جائز قرار نی ݙتا ونڄ سڳدے۔
