اسلام آباد۔29جولائی (اے پی پی) سپیکر قومی اسمبلی راجہ پرویز اشرف قومی اسمبلی اچ اعلان کیتا جو پاکستان تحریک انصاف دے 11 مستعفی ممبران قومی اسمبلی دے استعفے منظور کر ڳھدے ڳئن اتے انہاں دی سیٹاں خالی تھی ڳئن۔ جمعے کوں قومی اسمبلی اچ سپیکر راجہ پرویز اشرف ایوان کوں ݙسیا جو 11 اپریل کوں این اے 22 مردان توں رکن قومی اسمبلی علی محمد خان، فضل محمد خان (NA-24)، شوکت علی (NA-31)، فخر زمان خان کرم ون (NA-45)، فرخ حبیب (NA-108)، اعجاز احمد شاہ (NA-118)، جمیل احمد خان (NA-237)، محمد اکرم چیمہ (NA-239)، عبدالشکور شاد (NA-246)، ڈاکٹر مہر النسا شیریں مزاری (مختص نشست)، شاندانہ گلزار خان (مختص نشست) آپݨی نشت توں استعفے ݙتے ہن جئیں کوں آئین اتے رولز آف بزنس دے تحت منظور کر ڳھدا ڳئے اتے 11 اپریل توں انہاں دی نشتاں خالی تھی ڳئن۔
