اسلام آباد۔12جولائی (اے پی پی):وزیراعظم شہباز شریف آکھیے جو آبادی دی ودھدی رفتار تے قابو پاوݨ دنیا بالخصوص ترقی پذیر ملکاں کیتے ھک وݙا چیلنج اے، وسائل تے حقوق دی فراہمی اتے آبادی دے اچ ھک توازن پیدا تھیوݨ وقت دی اہم لوڑھ اے،اڄوکے سال عالمی ݙینھ اے”8 ارب آبادی دی دنیا، ایجھا مستقبل جیں اچ ساریں کیتے وسائل، موقع اتے حقوق دی فراہمی یقینی ہووے” دا موضوع نہایت جامع اے۔ آبادی دے عالمی ݙینھ دے موقع تے وزیراعظم شہباز شریف اپݨے پیغام اچ آکھیے جو آبادی تے قابو پاوݨ کرہ ارض دے مسئلے اچ کمی دے نال تریمتاں دی صحت، تعلیم تےزندگی دے حوالے نال وی نہایت اہم موضوع اے،ترقی پذیر ملکاں اچ گھٹ عمر دیاں شادیاں ، وسائل دی کمی،امراض تے ماواں دی اموات وݙے چیلنج ہن، آبادی تے کنٹرول کیتے عالمی سطح تے مشترکہ کاوشاں دی لوڑھ اے ، انہاں آکھیے جو زچہ و بچہ کوں بہترین علاج معالجہ دی فراہمی، پیدائش اچ مناسب وقفہ، خوراک تے غذائیت دی کمی مکاوݨ جیہے مسئلیں اہم ترجیح ہن ۔
