اسلام آباد – 19 سيپٽمبر (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته جرمني ۾ رهندڙ پرڏيهي پاڪستاني ڀارتي جمهوريت جو اصلي چهرو دنيا جي سامهون بي نقاب ڪرڻ ۽ والاريل ڪشمير ۾ رياستي دهشتگردي جو شڪار ڪشميري عوام سان يڪجهتي جي اظهار لاءِ 28 سيپٽمبر تي شاندار ريلي ڪڍندا. اي پي پي سان ڳالهائيندي هن چيو ته ڀارتي قابض فورسز والاريل ڪشمير جي عوام کي بنيادي انساني حقن ۽ مذهبي آزادي کان محروم ۽ گذريل ڪيترن ئي هفتن کان عملي طور تي کين پنهنجي گهرن ۾ بند ڪيو ويو آهي.
