چین دے صدر شی جن پنگ دی وزیراعظم شہبازشریف کوں سالڳنڈھ دی مبارخ، سٹریٹجک تعاون ودھاوݨ اتے سی پیک دی تعمیر کیتے رَل تے کم کرݨ دی خواہش

2025-03-05 17:38:32

اسلام آباد۔23ستمبر (اے پی پی) چین دے صدر شی جن پنگ وزیراعظم محمد شہبازشریف کوں انہاں دی سالڳنڈھ تے مبارخ ݙیندیں ہوئیں انہاں کیتے نیک تمناواں دا اظہار کیتا اتے آکھیا جو میں تساݙے نال رَل تے سٹریٹجک تعاون ودھاوݨ اتے سی پیک دی تعمیر کیتے رَل تے کم کرݨ چاہنداں۔ چینی صدر آکھیا جو پاکستان اتے چین سٹریٹجک سانجھے دار ہن۔ ݙوہیں ملکاں ہمیشہ ہک ݙوجھے تے بھروسہ کیتے اتے ہمیشہ ہک ݙوجھے دا ساتھ ݙتے۔ سنوار کوں وزیراعظم آفس دے میڈیا ونگ توں جاری بیان موجب چین دے صدر شی جن پنگ وزیراعظم محمد شہبازشریف کوں انہاں دی سالڳنڈھ تے تہنیتی خط ٻھیجا۔ چینی صدر ولوں خصوصی طور تے ٻھیجے ڳئے خط پاک چین سفارتی تعلقات دی مضبوط آلے پاسے ہک غیر معمولی پیش رفت اے۔ خط اچ چین دے صدر شی جن پنگ آکھیا جو تساݙی سالگرہ تے میں تساݙے کیتے نیک خواہشات کرینداں۔ انہاں آکھیا جو میں تساݙے نال رَل تے سٹریٹجک تعاون ودھاوݨ اتے سی پیک دی تعمیر کیتے رَل تے کم کرݨ چاہنداں۔ چینی صدر آکھیا جو پاکستان اتے چین سٹریٹجک سانجھے دار ہن۔ ݙوہیں ملکاں ہمیشہ ہک ݙوجھے تے بھروسہ کیتے اتے ہمیشہ ہک ݙوجھے دا ساتھ ݙتے۔ ایں سال جون اچ تساں چین دا کامیاب دورہ کیتا جئیں اچ اساݙے وچال خوشگوار ڳالھ مہاڑ تھئی اتے کئی معاملیاں تے اتفاق تھیا۔ چین پاکستان تعلقات دی مضبوطی میݙے کیتے ٻہوں اہمیت رکھیندی اے۔ خط اچ چینی صدر آکھیا جو تساݙے نال رل تے کئی شعبیاں اچ تعاون اتے ایں جدید دور اچ چین تے پاکستان دے لوکاں وچال ڳھاٹے تعلقات نال ہک سانجھے مستقبل کیتے رَل تے کم کرݨ چاہنداں۔ تساݙے کیتے چنڳی صحت اتے ہر قدم تے کامیابی دی تمنا اے۔

مضمون کا ماخذ : لوٹوفاسیل

متعلقہ مضامین