اسلام آباد۔4اپریل (اے پی پی) وفاقی کابینہ نیشنل کمیشن برائے چائلڈ ویلفیئر اینڈ ڈویلپمنٹ، نیشنل چائلڈ پروٹیکشن سینٹر، امپلی مینٹیشن آف نیشنل لائن آف ایکشن فار چلڈرن ختم کرݨ اتے نیشنل کمیشن برائے وقار نسواں دے ممبراں دی تعیناتی دی منظوری ݙے ݙتی۔ وفاقی کابینہ دا اجلاس خمیس کوں وزیراعظم محمد شہباز شریف دی صدارت اچ تھیا۔ وفاقی کابینہ دے اجلاس اچ خزانہ ڈویژن ولوں پیش کیتی ڳئی فسیکل پالیسی اسٹیٹمنٹ برائے مالی سال 2022-23 ، ڈیبٹ پالیسی اسٹیٹمنٹ برائے مالی سال 2022-23 اتے ایئراینڈگورنمنٹ پرفارمنس مانیٹرنگ رپورٹ پیش کیتی ڳئی۔ وفاقی کابینہ خارجہ امور ڈویژن دی سفارش تے سابق چیف آف نیول اسٹاف ایڈمرل محمد امجد خان نیازی کوں حکومت سعودی عرب اتے حکومت ملائشیا ولوں علی الترتیب ”کنگ عبدالعزیز میڈل بیج آف آنر آف ایکسیلنٹ کلاس‘‘ اتے’’درجہ دی پہلونان انگاٹن تینترہ‘‘ وصول کرݨ دی موکل ݙتی۔وفاقی کابینہ انسانی حقوق ڈویژن دی سفارش تے نیشنل کمیشن برائے سٹیٹس آف ویمن دے ممبراں دی تعیناتی دی منظوری ݙے ݙتی۔ وفاقی کابینہ وفاقی کابینہ نیشنل کمیشن برائے چائلڈ ویلفیئر اینڈ ڈویلپمنٹ، نیشنل چائلڈ پروٹیکشن سینٹر، امپلی مینٹیشن آف نیشنل لائن آف ایکشن فار چلڈرن ختم کرݨ دی منظوری ݙے ݙتی۔انہاں اداریاں دے او ملازم جیڑھے جو سول سرونٹس ہن انہاں کوں پاکستان دے سرپلس پول اچ شامل کیتا ویسی۔
