اسلام آباد۔15دسمبر (اے پی پی) وفاقی وزیر اطلاعات، نشریات، قومی ورثہ تے ثقافت عطاءاللہ تارڑ آکھیا جو خیبر پختونخوا اچ فارن میڈیا کوں گمراہ کن بریفنگ ݙتی ویندی پئی اے، پی ٹی آئی دا کوئی احتجاج پر امن نی تھیا، احتجاج اتے دھرنیاں دے سوا انہاں دا کوئی کم نئی، انتشاری ٹولے ہمیشہ ریاست اتے عوام دا ضیان کیتے۔آݙت وار کوں میڈیا نال ڳالھ مہاڑ کریندیں ہوعیں انہاں آکھیا جو وزیراعلیٰ خیبر پختونخوا علی امین گنڈاپور دے الزامات کوڑ اتے فساد ہن۔ خیبر پختونخوا اچ فارن میڈیا کوں گمراہ کن بریفنگ ݙتی ویندی پئی اے۔ وفاقی وزیر آکھیا جو اے لوکاں کوں تشدد تے اکسا تے خود ٻھج ویندن۔ انہاں آکھیا جو اڄ فارن میڈیا کوں گمراہ کن بریفنگ ݙتی ویندی پئی اے ایندا حقائق توں پرے تئیں تعلق کائنی۔ وفاقی وزیر اطلاعات آکھیاجو علی امین گنڈاپور کل ولا آکھیے جو اگلی کال پر امن کال کائنا ہوسی، سوال اے جو تساݙا پہلے دا کیڑھا احتجاج پرامن ہئی؟ 26 نومبر کوں انتشار دی کال ݙے تے تساں لشکر کشی اتے لاشاں ݙہاوݨ دا ارادہ کیتا ہئی، انہاں پہلے 1200 لاشاں دا کوڑا بیانیہ ٻݨآیا ولا آرٹیفیشل انٹیلی جنس نال جعلی تصویراں سوشل میڈیا تے کھنڈائی۔ انہاں آکھیاجو پی ٹی ائی دے سوشل میڈیا کارکناں دے پاکستان مخالف لوکاں نال رابطے ہن۔ بھارتی فوج دے ہک میجر اتے پی ٹی آئی دے کارکناں دا ہکا ایجنڈا اے۔ انہاں آکھیا جو پی ٹی آئی ہمیشہ ملکی سالمیت دے خلاف رہی اے، انہاں کݙاہیں پرامن کال نی ݙتی۔ اگر اے پرامن ہوندے تا?? کلاشنکوفاں، سٹین گنز، گرینیڈ، آنسو گیس شیلز، غلیلاں نال اسلام آباد تے چڑھائی نہ کریندے۔ عطاءاللہ تارڑ آکھیاجو اسلام آباد ہائی کورٹ وی پی ٹی آئی کوں احتجاج دی موکل کائنا ݙتی ہئی۔ تحریک انصاف آپݨے ورکراں تے پتھراؤ کیتے۔ بیلاروس دے صدر دے دورے کوں سبوتاژ کرݨ، پارلیمانٹ دی عمارت تے وی حملہ کرݨے، بشریٰ بی بی لوکاں کوں آکھیا جو علی امین گنڈاپور کوں ڈی چوک ونجݨ تے اکسایا، اتھاں بشریٰ بی بی پتھراؤ کرایا، وزیر اطلاعات آکھیاجو علی امین گنڈاپور اتے بشریٰ بی بی آپݨے کارکناں کوں ڈی چوک تے کلھیں چھوڑ تے کیوں ٻھج ڳئے؟ اے سیاسی، اخلاقی اتے انتظامی طور ناکام تھی ڳئن۔ وزیر اطلاعات آکھیاجو نو مئی کوں جو تھیا، قوم کݙاہیں نہ بھلسی۔ انہاں آکھیا جو جݙاں دا انہاں فوجی پراڈکسٹس دا بائیکاٹ دا اعلان کیتے، عسکری بینک اتے فوجی فوڈز دے شیئر اتے ڳئن پئے۔ وفاقی وزیر آکھیاجو سپریم کورٹ فیصلہ ݙتے جو 26 مئی دے حملیاں اچ ملوث لوکاں دا فوجی ٹرائل جاری رہسی۔ انہاں آکھیا جو کہیں وی ادارے دی حدود اچ کوئی جرم تھیسی تا?? او آپݨے قانون دے مطابق اونکوں ݙیکھسن۔ ہرادارے دے قانون آپݨے ہن۔ وفاقی وزیر آکھیاجو اے لوکاں کوں استعمال کریندن اتے آپ موقع توں ٻھڄ ویندن۔ وفاقی وزیر آکھیا جو ملک اچ سپہ سالار موجود اے جو ملک کیتے نیک نیتی رکھیندے اتے چاہندے جو ملک ترقی کریسی، او فوج کوں پروفیشنل فورس وانڳ ٻیا فعال کریندے پئن۔ انہاں آکھیا جو پولیس اتے رینجرز دے جوان شہید تھین انہاں دا خون کئیں دے ہتھ تے ڳولوں؟ کیا تساں فا??رن?? نی کیتی؟ کیا تساں انہاں تے ڳ??ݙی??ں نی چڑھائی؟ اے آپݨی ناکامی لکاوݨ کیتے انٹرنیشنل میڈیا کوں ڳھدی امدن اتے کوڑ مریندے پئن جو ٻہوں ظلم تھیے۔ انہاں آکھیا جو قانون نافذ کرݨ آلے اداریاں دے اہلکاراں کول لائیو ایمونیشن کائنا ہئی۔ ڈائریکٹ فا??رن?? کہیں نی کیتی البتہ علی امین گنڈاپور دے گارڈز فا??رن?? کیتی۔ وفاقی وزیر اطلاعات آکھیا جو بدقسمتی نال کل ہک خبر چھپی جئیں اچ دعویٰ کیتا ڳئے ??و 150 صحافیاں دے وارنٹ گرفتاری جاری کیتے ڳئن۔ انہاں آکھیا جو صرف ترائے توں چار صحافی ہن جنہاں تے کیسز ہن، باقی پی ٹی آئی دے سیاسی کارکن ہن جنہاں لوکاں کوں تشدد تے اکسایا۔ انہاں میڈیا تے ذمہ دارانہ صحافت دی لوڑھ تے زور ݙتا۔
.jpg)
