اسلام آباد 02 فروري (اے پي پي) د وزیراعظم شاهد خاقان عباسي په مشرۍ كښې د قامي سلامتيا اتلسمه غونډه د جمعې په ورځ وشوه۔ په غونډه كښې د خارجه چارو وزير خواجه محمد آصف٬ د كورنيو چارو وزير احسن اقبال٬ د جوائنټ چيف آف سټاف كمېټۍ چيِئرمېن جنرال زبېر محمود حیات، د پوځ سرلښكر جنرال قمر جاوېد باجوہ، د هوائي ځواك مشر ايئر چيف مارشل سهېل امان د سمندري ځواك مشر اېډمرل ظفر محمود عباسي ٬ د قامي سلامتيا سلاحكار لېفټېننټ جنرال (ر) ناصر جنجوعه او نورو اعلٰی سول او پوځي چارواكو ګډون وكړو۔ د قامي سلامتيا كمېټۍ منطقه كښې د سلامتيا د صورتحال جاج واخستو او په کابل كښې په دې ورستيو كښې د ترهه ګرۍ د بريد ئې غندنه وكړه۔ كمېټۍ ووئيل د پاكستان حكومت او اولس د افغان وروڼو په غم دړد كښې برابر شريك دي او ھغوي سره د يوالي څرګندونه كوي۔ كمېټۍ په ډاګه كړه چې پاكستانې اولس د افغان اولس په غم او غصه ښه پوهېږي ځكه ھغوي خپله ترهګرۍ څخه د ټولو نه زيات ځپلې شوې دي۔ كمېټۍ زياته كړې چې د افغان دولت غبرګون د ځيني غېر ملكي عناصرو لخوا په خپور كړې شوې غلط فهمۍ آډانه ٶ۔ كمېټۍ د ټولو مسئلو باوجود افغاسنتان سره د مثبت خبرو د عزم پخلي وكړو چې پكښې د پاك افغان اېكشن پلان لپاره د پاكستان په تجويز غور كولو په لړ كښې د پاكستاني پلاوي د فرورۍ په درېمه نېټه دوره هم شامل ده ۔ كمېټۍ افغانستان سره د بارډر كنټرول پحقله په پېشرفت د اطمينان څرګندونه وكړه او وئي وئيل افغان دولت ته د پاكستان لخوا په افغان پوله د خاردار تار لګولو كښې مرسته پكار ده ځكه چې دا د دواړو هېوادونو په ګټه ده۔ د قامي سلامتيا كمېټۍ د فنانشل اېكشن ټاسك فورس (اېف اي ټي اېف) د لائحه عمل له مخې نړيوالې ذمه وارۍ ترسره كولو پحقله د حكومت پاكستان او صوبو لخوا د اقداماتو جاج واخستو۔ كمېټۍ تر اوسه په ترلاسه كړې شويو هدفونو د اطمينان څرګندونه وكړه او اړوند ادارو ته ئې امر وكړو چې پاتې ځينې اقدامات دې زر تر زره ترسره كړې شي۔ كمېټۍ امر وكړو چې په نړيوالو لوظنامو د عملدرآمد پحقله د پاكستان لخوا د ترلاسه كړې شويو كاميابو نه دې اېف اے ټي اېف هم خبر كړې شي۔ كمېټۍ هيله ولرله چې اېف اے ټي اېف به د يو څو هېوادونو لخوا د سياست ښكار نه شي۔
