اسلام آباد – 24 جولاءِ (اي پي پي) وزيراعظم محمد نواز شريف مالديپ جي صدر عبدالله يامين عبدالقيوم جي دعوت تي 25 کان 27 جولاءِ تائين جمهوريه مالديپ جو سرڪاري دورو ڪندو. هو مالديپ جي 52 هين آزادي جي ڏهاڙي جي تقريب ۾ خاص مهمان هوندو جيڪو 26 جولاءِ تي منعقد ٿيندي. پرڏيهي آفيس پاران جاري بيان موجب وزيراعظم محمد نواز شريف مالديپ جي صدر سان باضابطه ڳالهيون به ڪندو جڏهن ته ان موقعي تي مختلف شعبن ۾ تعاون جي لاءِ مفاهمت جي يادداشتن ۽ معاهدن تي صحيحون به ڪيون وينديون.
