اسلام آباد۔27فروری (اے پی پی) نگران وفاقی وزیر اطلاعات، نشریات تے پارلیمانی امور مرتضیٰ سولنگی انتہا پسندی دے خاتمے دی لوڑھ تے زور ݙیندیں ہوئیں آکھیا جو امن دی ڳول سانجھی ذمہ واری اے، حکومتی ادارے، سول سوسائٹی تنظیماں اتے تحقیقی اداریاں دے تعاون نال پاکستان اچ امن دے عمل کوں اڳوں ودھایا ونڄ سڳدے۔ اے ڳالھیں انہاں منگل کوں پیس فلکس انٹرنیشنل کانفرنس اینڈ ایوارڈز دے افتتاحی سیشن ”پاکستان اچ پالیسی سازی اتے امن عمل“ توں خطاب کریندیں ہوئیں آکھی۔ وفاقی وزیر اطلاعات آکھیا جو امن دی جستجو اساݙی سانجھی ذمہ واری ٻݨ ڳئی اے، اساں مختلف اداریاں دی سانجھی کوششاں نال کھڑوں جیڑھے ملک اچ امن دی بنیاد کوں مضبوط کرݨ کیتے کم کریندے پئن۔ حکومت پاکستان، بین الاقوامی ادارے اتے مقامی تنظیماں ہر کوئی امن، رواداری کیتے آپݨا حصہ پیندے پئن۔
