لاہور۔7فروری(اے پی پی)پنجاب اچ عام انتخابات 2024 دے پولنگ دا عمل(اڄ) خمیس دی سویل 8 وڄے شروع تھی تے شام 5 وڄے تئیں بلا تعطل جاری رہسی۔ صوبے اچ کل 7کروڑ 42لکھ توں ودھ ووٹرز اپݨا حق رائے دہی استعمال کریسن۔ ترجمان الیکشن کمیشن پنجاب آکھیے جو صوبے اچ 7کروڑ 42لکھ 90ہزار 924ووٹر ووٹ ݙیسن جیندے اچ مرد رجسٹرڈ ووٹرز دی تعداد3کروڑ 96لکھ 90ہزار 487 ڄݙاں جو خواتین رجسٹرڈ ووٹرز دی تعداد 3کروڑ 46لکھ 437 اے، پنجاب اچ کل پولنگ بوتھ 149390 رکھیے ڳن ڄݙاں جو مردانہ پولنگ بوتھ دی تعداد 79013 اے اتے زنانہ پولنگ بوتھ دی تعداد 70377 اے، ایویں ہی پنجاب اچ ڈسٹرکٹ ریٹرننگ افسران 42،ریٹرننگ افسران 441،اسسٹنٹ ریٹرننگ افسران 882ڈسٹرکٹ مانیٹرنگ افسران 42،مانٹیرنگ افسران 1200ہین۔ کل پولنگ عملے دی تعداد 524070اے، پریذائیڈنگ افسران 53491، اسسٹنٹ پریذائیڈنگ افسران 313719 اتے پولنگ افسران دی تعداد 156860 اے، کل پولنگ اسٹیشنز 50,900 ہوسن جیندے اچ 28297نارمل، 15617حساس اتے 6040انتہائی حساس آکھیے ڳن۔ ووٹ کاسٹ کرݨ کیتے اصل شناختی کارڈ لازمی ہوسی ڄݙاں جو قومی شناختی کارڈ دی کاپی اتے پاسپورٹ قابل قبول نہ ہوسی، زائد المیعاد قومی شناختی کارڈ تے وی ووٹ ݙتا ونڄ سڳسی۔
