اسلام آباد۔25اپریل (اے پی پی):وزیراعظم محمد شہباز شریف ہلکے جنگی طیارے ہرجیٹ دی پہلی کامیاب پرواز تے ترکیہ دے صدر رجب طیب اردوان کوں مبارخ ݙیندے ہوئیں آکھیے بلاشبہ اے ترکیہ اتے ترکیہ دی دفاعی صنعتاں کیتے ھک ٻہوں وݙی کامیابی اے ۔ منڳل کوں ترکیہ دے صدر رجب طیب اردوان دے ٹویٹ دے جواب اچ وزیراعظم آکھیے میݙے آپݨے بھرا صدر رجب طیب اردوان کوں ہلکے جنگی طیارے ہرجیٹ دی کامیاب پہلی پرواز تے مبارخ ݙینداں ۔ انہاں آکھیے او ٹی ایف۔ایکس پراجیکٹ اچ برادر ترکیہ دی مزید کامیابی چاہندن ۔
