اسلام آباد۔4فروری(اے پی پی)وز یر مملکت خارجہ امور حنا ربانی اتے سری لنکا دے وزیر خارجہ علی صابری دے درمیان ملاقات کولمبو اچ تھئی۔ سری لنکا دے 75 ویں یوم آزادی دی تقریبات دے دوران تھیوݨ آلی ملاقات اچ پاک سری لنکا سانجھی دلچسپی دے امور تے ڳالھ مہاڑ کیتی ڳئی ۔ وزارت خارجہ دی طرفوں جاری بیان دے مطابق حنا ربانی کھر علی صابری کوں سری لنکا دی پلاٹینم جوبلی تے مبارخ ڈتی ملاقات دے دوران پاکستان اتے سری لنکا دے درمیان گھاٹے برادرانہ تعلقات تے ڳالھ مہاڑ کیتی ۔وزیر مملکت خارجہ حنا ربانی کھر اتے سری لنکا دے وزیر خارجہ پاک سری لنکا ݙو طرفہ تعلقات دی ساری جہتاں تے ڳالھ مہاڑ کیتی ،ملاقات اچ ݙوہیں ملکاں وچال معیشت، سیاست اتے تجارت سودھے ݙو طرفہ تعاون اچ ودھارے تے اتفاق کیتا ڳئے ۔ حنا ربانی کھر اتے علی صابری اقوام متحدہ تے سارک سودھے مختلف عالمی فورمز تے ھک ݙوجھے دے نال تعاون جاری رکھݨ تے وی اتفاق کیتے ۔
