اسلام آباد – 05 جولاءِ (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته عمران خان اڄ به ڪوڙ ڳالهائڻ کان نه مڙيو، مريم نواز ڪنهن سرڪاري پروٽوڪول ۾ جي آءِ ٽي ناهي آئي، مريم نواز وزيراعظم جي ڌيءَ آهي، جنهن دهشتگردي خلاف ڪامياب جنگ شروع ڪئي آهي، کيس تحفظ فراهم ڪرڻ جي لاءِ ضروري سيڪيورٽي فراهم ڪئي وئي. سيڪيورٽي اهلڪارن جي وڏي پئماني تي مقرري جي حوالي سان عمران خان جي بيان جي جواب ۾ مريم اورنگزيب چيو ته سڄي ملڪ مان هزارن جي انگ ۾ مسلم ليگ (ن) جا ڪارڪن پنهنجي اڳواڻ سان يڪجهتي جي اظهار لاءِ آيا هئا ان لاءِ مقامي انتظاميا ڪنهن به اڻوڻندڙ واقعي کان بچڻ جي لاءِ سمورا احتياطي قدم کنيا.
