اسلام آباد۔16اگست (اے پی پی) وزیراعظم شہباز شریف ٹانک اچ پولیو ورکرز ٹیم تے دہشت گرداں دی فائرنگ دی مذمت کریندیں ہوئیں آکھیا جو قوم دے ٻالاں دے صحت دے دشمناں دا خاتمہ کر تے ساہ ڳھنسوں۔ وزیراعظم آفس دے میڈیا ونگ توں جاری بیان موجب وزیراعظم ٹانک اچ پولیو ورکرز دی ٹیم تے دہشت گرداں دی فائرنگ دی مذمت کیتی اتے شہید پولیس اہلکاراں کوں خراج عقیدت پیش کیتا۔ وزیراعظم ٹانک دے علاقے کوٹ اعظم کچی آبادی اچ سپاہی پر رحمان اتے پولیس اہلکاراں دی شہادت تے ݙکھ تے افسوس کیتا۔ وزیراعظم شہیداں دے درجات دی بلندی اتے انہاں دے ٹٻر کیتے صٻر دی دعا کیتی۔
