اسلام آباد۔10جون(اے پی پی)وزیراعظم محمد شہباز شریف وفاقی وزیر خزانہ مفتاح اسماعیل اتے انہاں دی پوری ٹیم کوں متوازن، ترقی پسند اتے عوام دوست بجٹ پیش کرݨ تے مابرکی ݙیندے آکھیے جو مالی چیلنجاں اتے ودھ اوکھ دے باوجود بجٹ تیاری ٻہوں اوکھی ہئی۔ انہاں ٹویٹ کیتے جو حکومت بے نظیر انکم سپورٹ پروگرام دے فنڈز ودھائن، بے نظیر سکالرشپ پروگرام دا دائرہ کار ہک کروڑ طلباء تئیں پچایا ویسی، حکومت مالی کمزور طبقات کوں سوکھ ݙیوݨ چاہندی اے، تکڑے لوکاں کوں ٹیکس ݙے تے قومی خزانے اچ ہتھ ونݙاوݨا چاہیدے، حکومت سولر پینلز دی درآمد اتے ترسیل، زرعی مشینری و مداخل دی درآمد تے ٹیکس زیرو کر ݙتے، اے کساناں اتے زراعت دی ترقی کیتے وݙا قدم اے۔ وزیراعظم آکھیا جو اقتصادی و انتظامی معاملیاں اچ اوکھا ویلھا اے، ایں بجٹ نال حکومت اوکھے فیصلے کر تے چیلنجاں کوں قابو کر ڳھنسی، غریب لوکاں کوں ودھ ریلیف ݙتا ویسی۔
