اسلام آباد – 14 نومبر (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته آئون ايوان ۾ نه هئس پوءِ به ان ڏينهن سينيٽر صاحب مون بابت ڳالهه ڪئي، ان ڳالهه ٻولهه تي سينيٽر يا سندس پارٽي معذرت ڪري، ڪرپشن ۽ مني لانڊرنگ بابت ڳالهه ڪرڻ سان ايوان جو ماحول ڪيئن خراب ٿي وڃي ٿو، جڏهن به اسان ان بابت ڳالهه ڪريون ٿا ته چيو وڃي ٿو ته ايوان جو ماحول خراب نه ڪيو وڃي، ڇا ايوان هلائڻ رڳو حڪومت جي ذميواري آهي يا مخالف ڌر جي به ڪا ذميواري بڻجي ٿي. سينيٽ جي اجلاس ۾ اطلاعات ۽ نشريات واري وفاقي وزير چوڌري فواد حسين چيئرمين کي چيو ته هو ڳالهائڻ چاهي ٿو، کيس موقعو ڏنو وڃي.
