ماسڪو _19 آگسٽ (اي پي پي) روس ۾ آذربائيجان جي سفير پولا دبلبلوگلو چيو آهي ته سندس ملڪ ۾ روس جي قونصل جنرل جي آفيس کولي سگهجي ٿي ۽ اهو معاملو في الحال بحث هيٺ آهي. پرڏيهي خابرو اداري مطابق هن چيو ته روس آذربائيجان ۾ قونصل جنرل جي آفيس کولڻ جي خواهش جو اظهار ڪيو آهي. هن ٻڌايو ته آذربائيجان جي روس جي شهر يڪاترينبرگ ۽ سينٽ پيٽرزبرگ ۾ قونصل جنرل جون ٻه آفيسون آهن ۽ آذربائيجان جي آفيسن جي انگ کي ڏسندي روس به قونصل جنرل جي آفيس کولڻ تي غور ڪري رهيو آهي ۽ ان حوالي سان هُن مختلف تجويزون پيش ڪيون آهن جن تي غور ڪيو پيو وڃي.
