اسلام آباد۔17مارچ (اے پی پی):صدر مملکت آصف علی زرداری میر علی ، شمالی وزیرستان اچ شہید تھیوݨ آلے لیفٹیننٹ کرنل سید کاشف علی اتے کیپٹن محمد احمد بدر دے جنازے اچ گزریل رات شرکت کیتی تے شہدا کوں خراج عقیدت پیش کیتا۔ ایوان صدر میڈیا ونگ توں اتوار کوں جاری پریس ریلیز موجب صدر مملکت آصف علی زرداری دہشت گرداں کوں منہ بھن جواب ݙیوݨ دے عزم دا اعادہ کریندے ہوئیں آکھیے جو ملک اچ دہشت گرد کارروائیاں کرݨ آلیں کوں منہ تروڑ جواب ݙیسوں ، دہشت گرداں توں جواناں دے وہائے ڳئے خون دا حساب گھنسوں ۔ انہاں آکھے ساݙے بہادر بھرا ، پتر تے دوست سرحداں دی حفاظت کریندے پئن ، وعدہ کرینداں ساݙے پتراں دا خون ضائع نہ ویسی ۔ صدر مملکت آکھیے پاکستان دے عوام اتے فوج کٹھے ہن ، دہشت گرداں دا مقابلہ کریسوں۔
.jpg)
