اسلام آباد۔10فروری(اے پی پی)صدر مملکت ڈاکٹر عارف علوی آکھیے جو پاکستان ہک پرکشش کاروباری اتے سرمایہ کاری دی ڄاہ دے طور تے اٻھردا پئے، اساں کاروباری ماحول اچ بہتری سانڳے مختلف اصلاحات کیتن، غیر ملکی تاجر ملک دے سرمایہ کار دوست کاروباری نظام توں فیدہ چاون۔ اے ڳالھ انہاں برونائی دارالسلام دے نامزد ہائی کمشنر پینگیران عبدالصمد بن پینگیران حاجی میتاسان، الجزائر دے نامزد سفیر براہیم رومانی، یونان (ہیلینک ریپبلک) دے سفیر کونسٹنٹینوس مواتس، موریطانیہ دے غیر مقیم سفیر محمد والباہ اتے موریطانیہ و البانیہ دے نامزد سفیر کسٹریوٹ روبو نال ایوان صدر اچ ملݨ ویلھے آکھی۔ سفیراں صدر مملکت ڈاکٹر عارف علوی کوں اپݨیاں اسناد تقرر پیش کیتن۔ صدر مملکت امید کیتی جو اے سفیر پاکستان اچ ݙوطرفہ تعلقات تکڑے کرݨ، معاشی، تجارتی و ثقافتی تعاون ودھاوݨ کیتے کردار ادا کریسن۔
