اسلام آباد۔10اگست (اے پی پی):وزیراعظم محمد شہباز شریف اپݨے معاونین، سٹاف بالخصوص اپݨی میڈیا ٹیم دے کردار دی تعریف کریندے آکھیے جو حکومتی امور اچ ساریاں اپݨا ہتھ ونݙائے۔ او اسلام آباد اچ وفاقی سیکرٹریز اتے سرکاری افسران نال الوداعی ملاقات ویلھے الیندے پئے ہن۔ انہاں اپݨے معاونین خصوصی جہانزیب خان اتے احد چیمہ دا خاص آکھیا جو انہاں محنت نال کم کیتے، معاون خصوصی طارق فاطمی ایں بزرگی اچ وی میݙا ہتھ ونݙائے۔ وزیراعظم آکھیا جو پریس سیکرٹری عبدالاکبر ٻہوں شریف آفیسر ہین جیڑھے اپݨے کم نال کم رکھدن۔ انہاں اپݨے تقریر نویس ارشد ملک اتے پی آر او عمر فاران دے علاوہ سرکاری میڈیا ٹیم دا وی شکریہ ادا کیتے۔
