اسلام آباد۔21 فروری(اے پی پی)وزیراعظم محمد شہباز شریف انہالے اچ بجلی دی ترسیل دے نظام کوں چنڳاں کرݨ تے لوڈ مینجمنٹ سانڳے اقدامات کوں تیکھے حتمی شکل ݙیوم دی ہدایت کیتی اے۔ اے ہدایت انہاں انہالے اچ بجلی دی ترسیل اتے لوڈ مینجمنٹ بارے جائزہ اجلاس دی اڳوݨی کریندے ݙتن۔ وزیراعظم آکھیا جو گرمیان اچ لوکاں کوں بجلی دے مسلے توں بچاوݨ کتیے حکمت عملی ٻݨا تے فوریا قدامات کیتے ونڄن، گرمیاں توں پہلے ہی ہک جامع تے موثر پلان ہووݨا چاہیدے خاص طور تے رمضان المبارک اچ ڳھٹ توں ڳھٹ لوڈشیڈنگ ہووے۔ انہاں اطمینان کیتے جو بجلی دی پیداوار کیتے انرجی مکس اچ مقامی ایندھن اتے متبادل وسائل دا حصہ ودھݨ نال مہانگے درآمدی ایندھن تے انحصار ڳھٹدا پئے، حویلی بہادر شاہ پاور پلانٹ کوں فوری مکمل آپریشنل کیتا ونڄے، توانائی دے مسلے نال نٻݨݨ کیتے پاور ڈویژن ، پٹرولیم ڈویژن اتے ٻئے متعلقہ ادارے مشاورت اتے روابط تکڑے کرن۔ اجلاس اچ ملک اچ بجلی دی پیداوار، لوڈ مینجمنٹ اتے ونݙ تے بریفنگ ݙتی ڳئی۔ اجلاس اچ وفاقی وزیر خزانہ و محصولات اسحاق ڈار، وفاقی وزیر توانائی انجینئر خرم دستگیر، وفاقی وزیر اطلاعات و نشریات مریم اورنگزیب، وزیراعظم دے معاون خصوصی جہانزیب خان اتے متعلقہ اعلیٰ سرکاری افسران شرکت کیتی۔
