اسلام آباد۔11ستمبر (اے پی پی) شہبازشریف دا اقوام متحدہ دے سیکرٹری جنرل ا نتونیو گوتریس نال چھل متاثرین دی مثالی حمایت تے شکریہ ادا کریندیں ہوئیں آکھیا جو او چھل متاثرین دے ݙکھاں دی آواز ٻݨ ڳئن۔ پاکستان کوں ایں چیلنج نال نبڑݨ کیتے عالمی تعاون دی لوڑھ اے۔ اتوار کوں آپݨے ٹویٹ اچ انہاں آکھیا جو سیکرٹری جنرل انتونیو گوتریس دی چھل متاثرین دی مثالی حمایت تے انہاں دا شکریہ ادا کریندوں۔ انہاں دا اے دورہ انسانی سانحہ بارے دنیا اچ آگاہی ݙیوݨ اچ ٻہوں اہم رہیے۔ انہاں دی ہمدردی اتے قائدانہ خوصیات میکوں متاثر کیتے۔ پاکستان کوں ایں چیلنج نال نبڑݨ کیتے عالمی تعاون دی لوڑھ اے۔ انہاں آکھیا جو شدید گرمی اچ چھل متاثرہ علاقیاں اتے امدادی کیمپس دے دورے اچ اقوام متحدہ دے سیکرٹری جنرل پاکستان اچ چھل دی تباہ کاریاں کوں ݙیکھ تے ششدر رہ ڳئن۔ دنیا کوں انہاں دی موسمیاتی تبدیلی دے خطرات بارے ڳالھ مہاڑ تے توجہ ݙیوݨی چاہیدی اے۔
