اسلام آباد – 09 مئي (اي پي پي) پاڪستاني ڄاون فرانسيسي شيف ”واحد ڀائرن“ جي اعزاز ۾ اسلام آباد جي هڪ مقامي هوٽل ۾ غير رسمي تقريب جو اهتمام ڪيو ويو جنهن ۾ اطلاعات، نشريات ۽ قومي ورثي واري مملڪتي وزير مريم اورنگزيب خصوصي دعوت تي شرڪت ڪئي. ان موقعي تي پاڪستان ۾ فرانس جي سفير مارٽن ڊورينس به موجود هئي. فرانسيسي کاڌن تي پاڪستاني ڄاون شيف واحد ڀائرن خوب داد وصول ڪيو. مملڪتي وزير مريم اورنگزيب ۽ فرانس جي سفير به واحد ڀائرن جي کاڌن جي واکاڻ ڪئي. مملڪتي وزير مريم اورنگزيب مشهور شيف ڀائرن سلويسٽر واحد ۽ جوناٿن واحد جي پاڪستان آمد جي آجيان ڪندي چيو ته پرڏيهي ملڪ ۾ رهندڙ ڪيترائي پاڪستاني زندگي جي هر شعبي ۾ ڪاميابيون حاصل ڪري پاڪستان جو نالو روشن ڪري رهيا آهن
