رياض – 08 جنوري (اي پي پي) سعودي عرب مان غزه جي عوام لاءِ امدادي سامان جو 38 هون جهاز مصر جي العريش بين الاقوامي ايئرپورٽ پهچي ويو آهي. العربيا نيوز مطابق جهاز تي 23 ٽن خوراڪ، طبي امداد ۽ خيمن سان لاڳاپيل سامان آهي. اهو سامان شاه سلمان ريليف جي سهڪار سان پهچايو ويو آهي. ان کان اڳ پڻ انساني بنيادن تي ان ئي قسم جو سامان غزه موڪليو ويو آهي. ان ئي دوران سعودي فنڊ ريزنگمهم تحت هن وقت تائين غزه جي فلسطيني عوام لاءِ 161 ملين ڊالر جي رقم جمع ڪئي وئي آهي. اها امدادي مهم گذريل سال 2 نومبر کان شاه سلمان بن عبدالعزيز ۽ ولي عهد محمد بن سلمان جي خاص هدايت تي شروع ڪئي وئي هئي. ان فنڊ ريزنگ مهم لاءِ 1.37 ملين سعودي شهرين فنڊنگ ڪئي آهي.
