مظفرآباد۔16مئی(اے پی پی):وزیراعظم محمد شہباز شریف نیلم جہلم ہائیڈرو پاور پراجیکٹ دے ڈیزائن اچ نقائص اتے ذمہ داری دے تعین کیتے کابینہ کمیٹی ٻݨاوݨ دا اعلان کریندے آکھیے جو ارباں ڈالر لاوݨ دے باوجود منصوبے دے ڈیزائن اچ نقائص افسوسناک ہین، خرابی تیکھے دور کیتی ونڄے، واقعہ دی حتمی رپورٹ ایں مہینے پیش کیتی ونڄے۔ او نیلم جہلم ہائیڈرو پاور پراجیکٹ دے دورے ویلھے خطاب کریندے پئے ہن۔ ایں موقع تے وفاقی وزیر برائے امور کشمیر و گلگت بلتستان انجینئر امیر مقام، وفاقی وزیر داخلہ محسن نقوی، وفاقی وزیر صنعت و پیداوار رانا تنویر حسین، وفاقی وزیر اطلاعات و نشریات عطاء اﷲ تارڑ، وزیراعظم آزاد جموں و کشمیر چوہدری انوار الحق اتے ٻئے متعلقہ حکام وی موجود ہن۔ وزیراعظم کوں نیلم جہلم ہائیڈرو پاور پراجیکٹ تے بریفنگ ݙتی گئی۔ وزیراعظم آکھیے جو نیلم جہلم ہائیڈرو پاور پراجیکٹ تے ملک دے تقریباً 5 ارب ڈالر لڳ چکین، ایندی ابتدائی لاگت 840 ملین ڈالر ھا ڄیڑھا ودھ تے 5 ارب ڈالر تئیں پڄ چکیے نال ویلھا وی ضائع تھئے، اے ہک وڈا توانائی منصوبہ اے ایندے اچ خرابی دا ݙوڄھا واقعہ تھئے، ایندی انکوائری رپورٹ کوں حالی تئیں حتمی شکل نئیں ݙتی ونڄ سڳدی ٻھل اپریل 2024ء اچ اے منصوبہ ولا خرابی وات تھئے، منصوبے تے اتنی دیر نا تھیوݨی چاہیدی ہئی، ایں بارے حتمی رپورٹ ایں مہینے ہی آوݨی چاہیدی اے۔ ڈیزائنر، کنٹریکٹرز اتے ڄیڑھا وی ذمہ دار اے اوکوں سامݨے آوݨا چاہیدے۔
