اسلام آباد۔14ستمبر(اے پی پی) نگران وزیراعظم دی معاون خصوصی انسانی حقوق مشعال ملک آکھیے بھارت اپݨے غیر قانونی زیر تسلط جموں و کشمیراچ انسانی حقوق دیاں خلاف ورزیاں اچ ملوث اے، آزادی اتے خودمختاری ساریں توں وݙی نعمت اے ، اے ڳالھ انہاں خمیس کوں اسلام آباد اچ منعقدہ ھک تقریب توں خطاب کریندے ہوئیں آکھی اے ۔ انہاں آکھیے جو بھارت دے غیر قانونی زیر تسلط جموں تے کشمیراچ کوئی سیاسی آزادی کائنی ، اتھاں 10لکھ توں ودھ بھارتی فوجی براجمان ہن، نہتے کشمیریاں دی آواز کوں جبر نال دباوݨ دی کوشش کیتی ویندی پئی اے ۔75 سال توں کشمیری ظلم سہندے پئن ۔ انہاں آکھیے ماورائے عدالت قتل نال کشمیریاں دی نسل کشی کیتی ویندی پئی اے ، سیاسی قیادت جیلاں اچ قید اے ۔ مشعال ملک آکھیے حقیقی آزادی دا مطلب صرف کشمیریاں دی آزاد ی دی تحریک اے،کشمیریاں کوں انہاں دا بنیادی حق ، حق خودارادیت ݙتا ونڄݨا چاہیدے ۔ انہاں آکھیے عالمی برادری بھارت دے غیر قانونی زیر تسلط جموں و کشمیراچ بھارتی فوج دے ظلم بند کراوے تے کشمیریاں کوں انہاں دا حق ݙیواوݨ سانگے آپݨا کردار نبھاوے ۔
.jpg)
.jpg)