اٹک۔12اگست(اے پی پی)صدر مملکت آصف علی زرداری لیفٹننٹ عزیر محمود ملک شہید دے گھر گئن اتے انہاں دے ورثا کوں پرچاوݨی ݙیندے شہید کیتے فاتحہ خوانی کیتی، صدر مملکت آصف علی زرداری، لیفٹیننٹ عزیر محمود ملک شہید کوں ملک دے دفاع کیتے جان وارݨ تے خراج عقیدت پیش کیتے۔ صدر مملکت شہید دے ٹٻر نال الیندے آکھیا جو عزیر محمود ملک شہید خوارجی دہشت گرداں دا مقابلہ کریندے شہادت پاتی اے، پوری قوم کوں اپݨے بہادر شہداء تے ماݨ اے۔ انہاں آکھیا جو دہشت گردی کوں منݙھو مکاوݨ کیتے پرعزم ہیں۔ صدر مملکت سوگواران دے صبر دی دعا کیتی۔
