اسلام آباد۔24اکتوبر(اے پی پی)صدر مملکت ڈاکٹر عارف علوی اسلامی ملکاں دی تنظیم (او آئی سی) تے ڄڳ اچ اسلامو فوبیا دے ودھدے واقعات دی بنیادی وجوہات ڳولݨ اتے انہاں دے اجتماعی حل تے زور ݙیندے آکھیے جو او آئی سی امت مسلمہ دی اجتماعی آواز اے۔ انہاں اے ڳالھ او آئی سی جدہ اچ پاکستان دے نامزد سفیر/ مستقل نمائندے سید محمد فواد شیر نال ملݨ ویلھے آکھی۔ انہاں آکھیا جو ڄڳ کوں بھارت اچ اقلیتاں بالخصوص مسلماناں دے خلاف ودھدے تشدد دے واقعات دا نوٹس ڳھنݨا چاہیدے، ہندوستانی ہندوتوا نظریہ دی ڄڳ اچ حوصلہ شکنی تھیوݨی چاہیدی اے، امید اے او آئی سی مسئلہ کشمیر دے حل کیتے مثبت پیش رفت اتے بھارتی غیر قانونی مقبوضہ جموں و کشمیر دے لوکاں تے مظالم رکواوݨ اچ اپݨا کردار ادا کریسی۔ صدر معصوم فلسطینیاں تے اسرائیلی تشدد اتے غیر قانونی اقدامات تے وی چنتا کریندے آکھیے جو اینڄھے اقدامات انسانی اقدار، انسانی حقوق اتے بین الاقوامی قانون دے خلاف ہین۔
