اسلام آباد۔9اکتوبر (اے پی پی) وزیراعظم دے کوآرڈینیٹر برائے صحت ڈاکٹر مختاراحمد بھرتھ آکھیا جو مقامی طور تے پولیوویکسین ٻݨاوݨ کیتے یونیسیف دا تعاون چاہیدے۔ وزارت صحت توں جاری بیان موجب اے ڳالھیں انہاں یونیسیف سپلائی چین ڈویژن دی ڈائریکٹر نال ڳالھ مہاڑ کریندیں ہوئیں آکھی جنہاں بدھ کوں انہاں نال ملاقات کیتی۔ ملاقات اچ صحت دے شعبے اتے پولیو ویکسین دی پروکیورمنٹ تے وی ڳالھ کیتی ڳئی۔ ملاقات اچ ڈاکٹر مختار احمد بھرتھ عزم کیتا جو پولیو ویکسین دی فراہمی جاری رہسی۔ انہاں آکھیا جو پاکستان اچ مقامی طور پولیو ویکیسن ٻݨاوݨ اچ یونیسیف دا تعاون چاہیدے۔ مقامی طور ویکسین ٻݨݨ نال نہ صرف پورے ملک اچ ویکیسن دی لوڑھ پوری تھیسی جڈانجو ایں نال ملک دے قیمتی زرمبادلہ دی بچت تھیسی۔ ایں موقع تے ڈائریکٹر یونیسف آکھیا جو پاکستان اچ مقامی طور ویکسین ٻݨاوݨ اچ یونیسیف مدد کریسی۔
