استنبول۔23اکتوبر(اے پی پی)وفاقی وزیرداخلہ محسن نقوی انقرہ اچ دہشت گرداں دے حملے دی مذمت کریندے آکھیے جو ایں ݙکھ اچ ترکیہ حکومت اتے عوام دے نال ہیں۔ ہک بیان اچ انہاں آکھیا جو حملے اتے ایندے اچ 3 شہریاں دے فوت تھیوݨ تے افسوس اے، ترکیہ دی حکومت، وزیر داخلہ اتے عوام نال ہمدردی کریندے پرچاوݨی ݙیندے ہیں۔ انہاں آکھیا جو پاکستان دیاں ہمدردیاں جاں بحق لوکاں دے اتے زخمیاں دے نال ہین، دہشت گرد کہیں دے سڄݨ ہن ناں انہاں دا کوئی دین مذہب اے۔ انہاں زخمیاں دی تیکھے صحت یابی دی دعا کیتی۔
