مدینہ منورہ۔28ستمبر (اے پی پی) نگران وزیراعظم انوار الحق کاکڑ دی روضہ رسولﷺ تے حاضری ،ریاض الجنہ اچ نوافل ادا کیتے، دعائیں منڳی۔ وزیراعظم آفس دے میڈیا ونگ موجب نگران وزیراعظم مسجد نبویﷺ نال جڑیے عالمی میلے اتے سیرت نبویﷺ اتے اسلامی تہذیبب بارے عجائب گھر دا دورہ کیتا۔ میوزیم دے بورڈ آف ڈائریکٹرز دے سیکرٹری ڈاکٹر ناصر مسفیر الزہرانی انہاں دا استقبال کیتا۔ وزیراعظم میوزیم دی تعریف کریندیں ہوئیں اسلامی ورثے دے تحفظ اتے اینکوں نشابر کرݨ کیتے کیتی ڳئی کوششاں دی تعریف کیتی۔ ڈاکٹر ناصرمسفیر الزہرانی وزیراعظم کوں شیلڈ اتے کتاباں پیش کیتی۔ مدینہ منورہ اچ عالمی میلہ اتےمیوزیم پیغمبر اسلام حضرت محمدﷺ دی حیاتے اتے اسلامی تہذیب نشابر کرݨ کیتے اہم اہمیت رکھیندے۔
