اسلام آباد۔3فروری (اے پی پی):وزیر مملکت اطلاعات و نشریات فرخ حبیب آکھیے جو نواز شریف دی میڈیکل رپورٹ کائنی بلکہ ڈاکٹر شال دی اوپینن اے۔ خمیس کوں ھک میڈیا ٹاک دے دوران نواز شریف دی میڈیکل رپورٹ متعلق سوال دے جواب اچ وزیر مملکت اطلاعات و نشریات آکھیے جو ھک امریکن ڈاکٹر جیڑھے جو برطانیہ اچ رجسٹرڈ ہی کائنی او کیویں ایجھی رپورٹ جاری کرسڳدے ۔ فرخ حبیب آکھیے جو ھک امریکی ڈاکٹر کیویں برطانیہ اچ پریکٹس کرسڳدے ؟وزیر مملکت آکھیے جو کیا نواز شریف اے رپورٹ برطانیہ اچ جمع کروا سڳدن ؟ ۔انہاں آکھیے جو ڈاکٹر نواز شریف کوں آکھیے جو تساں چہل قدمی کرݨی اے تے اتھاں سیر سپاٹے کریندے پئن، وزیر مملکت آکھیے جو نواز شریف پنج گھنٹے دا سفر کرسڳدن تاں ائیرایمبولینس تے پاکستان وی آونڄن- فرخ حبیب آکھیے جو نواز شریف یا پیسہ واپس کرن یا جیل ونڄن۔
