لاہور۔1جولائی(اے پی پی)معاون خصوصی وزیر اعلیٰ پنجاب ڈاکٹر فردوس عاشق اعوان آکھیے جو اعلیٰ تعلیم دی اہمیت پاروں آندے بجٹ اچ 15 ارب روپے دے ترقیاتی فنڈز رکھیے ڳین جیڑھے پچھلے سال دی نسبت 285 فیصد ودھ ہین، پنجاب حکومت ہر ضلع اچ یونیورسٹی ٻݨیندی پئی اے، ہݨ تئیں 6 یونیورسٹیاں ٻݨین، پنجاب دے ٻئے 8 اضلاع لیہ، بھکر، راجنپور سودھا اٹک، گوجرانوالہ، پاکپتن، حافظ آباد اتے سیالکوٹ اچ نویان یونیورسٹیاں دی منظوری ݙتی ڳئی اے۔ انہاں آکھیا جو آندے مالی سال 7 یونیورسٹیاں ٻݨاوݨ دی تجویز اے جیڑھی بہاولنگر، ٹوبہ ٹیک سنگھ، مظفرگڑھ، ڈی جی خان، قصور اتے شیخوپورہ ہوسن، یونیورسٹی آف ڈی جی خان کیتے 2 ارب روپے، بابا فرید یونیورسٹی پاکپتن کیتے 2 ارب روپے، انڈس یونیورسٹی راجن پور کیتے ہک ارب ݙتے ویسن۔
