لاہور۔5جون(اے پی پی):وزیر اعلی مریم نواز لاہور اچ (ادارہ عافیت)دارالامان اچ رہݨ آلیاں 10 تریمتیں کوں حج تے ٻھیڄݨ توں پہلے ملقات کیتی اے۔ ایں موقع تے سینیٹر پرویز رشید، سینئر صوبائی وزیر مریم اورنگزیب، صوبائی وزیر اطلاعات عظمی زاہد بخاری، صوبائی وزیر مواصلات صہیب احمد ملک، ایم پی اے ثانیہ عاشق، معاون خصوصی راشد نصراللہ، پرنسپل سیکرٹری ساجد ظفر ڈال، سیکرٹری سوشل ویلفیئر اتے ٻعے موجود ہن۔ مسلم لیگ دے قائد محمد نوازشریف وی وزیر اعلیٰ دے نال ہن او وی تریمتیں نال ملین۔ وزیر اعلی پنجاب کولو عید تے ادارہ عافیت دیاں بزرگ تریمتیں حج کرݨ دی سک کیتی ہئی جیندے بعد وزیر اعلی مریم نواز حڄ دے اانتظامات کیتن۔ حج تے ونڄݨ آلیاں تریمتیں زینت بی بی، فریدہ رحمت علی، امیر جہاں، بخت مینا، نسیم اختر، عفت سلطانہ، یاسمین ملک، عابدہ سراج، بشیراں بی بی اتے نور جہاں حج تے ٻھیڄݨ تے شکریہ ادا کیتے اتے ڈھیر دعائیں ݙتن۔ وزیر اعلی ساریاں تریمتیں کوں احرام، سوٹ اتے زاد راہ ݙتے۔ عافیت دیاں 10 تریمتیں اتے انچارج سمیرا اسلم اتے معاون 21 ݙینھ کیتے سعودی عرب حج تے ویسن۔
.jpg)
