ردیگ ۔18مئی(اے پی پی) وزیرِ اعظم محمد شہباز شریف اتے ایرانی صدر ابراہیم رئیسی تحصیل مند دے علاقے ردیگ اچ مند۔پشین ۔بارڈر مارکیٹ اتے 100 میگاواٹ گبد-پولان بجلی دی ٹرانسمیشن لائن دا افتتاح کرݙتا۔ایں موقع تے وزیرخارجہ بلاول بھٹو زرداری، وفاقی وزیر توانائی انجینئر خرم دستگیر، وفاقی وزیر اطلاعات و نشریات مریم اورنگزیب اتے وزیراعلیٰ عبدالقدوس بزنجو وی موجود ہن ۔ وزیراعظم شہبازشریف دے گوادر پڄݨ تے بلوچستان دے وزیراعلی عبدالقدوس بزنجو انہاں دا خیرمقدم کیتا جیں توں بعد وزیراعظم مند ۔پشین۔ بارڈر مارکیٹ دے افتتاح کیتے تحصیل مند دے علاقے ردیگ پڄے جتھاں ایران دے صدر ابراہیم رئیسی وزیراعظم دا پرتپاک خیرمقدم کیتا۔ ایں موقع تے ݙوہیں رہنماواں گرم جوشی نال ہتھ ملائے ۔ وزیراعظم محمد شہبازشریف اتے ایرانی صدر ابراہیم رئیسی مند۔ پشین ۔ بارڈرمارکیٹ دا افتتاح کیتا تے ݙوہیں رہنماواں مارکیٹ دے مختلف حصیں دا معائنہ کیتا اتے دوستی دی علامت دے طورتے ٻوٹا وی رادھا ۔ بارڈر مارکیٹ دےقیام نال ݙوہیں ملکاں وچال تجارت دے ودھاوݨ اچ مدد ملسی ۔ سرحد دے ݙوہیں پاسوں رہݨ آلے لوکاں کیتے روزگار دے موقع پیدا تھیسن تے سمگلنگ کوں روکیا ونڄ سڳسی ، ایں توں انڄ وی حکومت مزید 5 بارڈر مارکیٹاں ت وی کم کریندی پئی اے جنہاں کوں وختی تجارت کیتے کھول ݙتا ویسی ۔بعداچ وزیراعظم محمد شہبازشریف اتے ایران دے صدر ابراہیم رئیسی 100 میگاواٹ گبد-پولان بجلی دی ٹرانسمیشن لائن دا وی افتتاح کیتا۔ گبد-پولان ٹرانسمیشن لائن وزیرِ اعظم محمد شہباز شریف دی ذاتی دلچسپی پاروں ریکارڈ مدت اچ تعمیر مکمل تھئی اے ۔ ایں ٹرانسمیشن لائن دی تکمیل توں ایران توں درآمد کیتی ونجݨ آلی سستی بجلی دی مجموعی مقدار 204 میگاواٹ تھی ڳئی اے ۔132کے وی دی ٹرانسمیشن لائن کوں اپ گریڈ کرتے 220 کے وی کرݙتا ڳئے ۔4 مہینے دی ریکارڈ مدت اچ اے منصوبہ مکمل کیتا ڳئے ۔ نویں ٹرانسمیشن لائن توں بلوچستان دے سرحدی علاقیں اچ بجلی دی ترسیل اچ بہتری آسی تے کاروباری سرگرمیاں کیتے بجلی دی وافر مقدر میسر آسی ۔ ایں منصوبے دی تکمیل توں وزیراعظم شہبازشریف دا بلوچستان اچ بلاتعطل بجلی دی فراہمی دا وعدہ پورا تھی ڳئے۔
.jpg)
