اسلام آباد۔12اپریل(اے پی پی) وفاقی وزیر داخلہ رانا ثناء اللہ خان دی اڳواݨی اچ کݨک، کھنݙ، کھاد اتے ٻیاں شئیں دی سمگلنگ روکݨ بارے ݙوڄھا اجلاس تھئے۔ اجلاس اچ سمگلنگ اچ ملوث افسران اتے عملہ دے خلاف سخت کارروائی، اداراں دے جوائنٹ آپریشن اتے انٹیلیجنس شیئرنگ تے کم کرݨ دا فیصلہ تھئے۔ اجلاس اچ وزیر دفاع خواجہ محمد آصف، وزیر تجارت سید نوید قمر، وزیر نیشنل فوڈ سکیورٹی طارق بشیر چیمہ، وزیر صنعت مخدوم مرتضیٰ محمود، معاون خصوصی برائے ریوینیو طارق محمود پاشا، سیکرٹری داخلہ علی مرتضیٰ، چیئرمین فیڈرل بورڈ آف ریونیو آصف احمد اتے وفاقی و صوبائی اداراں دے نمائندگان وی شرکت کیتی۔ وفاقی وزیر داخلہ رانا ثناءاللہ آکھیا جو اشیائے ضروریہ دی بیرون ملک سمگلنگ روکݨ ترجیح اے، ایں سانڳے سخت اقدامات کیتے ویسن، جوائنٹ چیک پوسٹاں اتے جوائنٹ پٹرولنگ یقینی ٻݨاوݨ سودھا بارڈر کنٹرول نظام کوں تکڑا کیتا ونڄے، ایں سانڳے ٹریک اینڈ ٹریس سسٹم اپناوݨ تے وی زور ݙتا۔
