اسلام آباد۔27مئی(اے پی پی)وزیر مملکت پٹرولیم مصدق ملک آکھیے جو پچھلی حکومت لوکاں کوں 720 ارب روپے دی سبسڈی ݙے تے آپ ٻھڄ ڳئی اے جیکر روس نال سستے تیل اتے کݨک دا کوئی معاہدہ کیتا ہا تاں اے پی ایس او دے ٹینڈر اچ کیوں شامل نئیں تھیا اتے معاہدہ سامݨے کیوں نئیں آیا۔ اے ڳالھ انہاں پریس کانفرنس آچ آکھی جو عمران خان دی حکومت لوکاں کوں تنخواہواں دی مد اچ 320 ارب، پٹرول تے 720ارب روپے سبسڈی ݙتی، پٹرول تے صرف جون تئیں 120 ارب دی سبسڈی ݙتی گئی، اے 120 ارب روپے قومی خزانے اچ ہن وی کائنا تہوں ملک ݙیولا تھیوݨ تے آڳئے۔ انہاں آکھیا جو پٹرول دیاں قیمتاں بارے مختلف تجاویز تے 4 ہفتے لڳ ڳین، کوشش کیتی اے جو غریب تے ڳھٹ ٻھار آوے ایں سانڳے قیمتاں ودھا ئن۔ انہاں آکھیے جو پاکستان اچ بھارت دے مقابلے اچ پٹرول دا مل حالی وی 70 روپے ڳھٹ اے، آئی ایم ایف نال مذاکرات دا مقصد شرائط کوں حتمی شکل ݙیوݨ ہا، ایل این جی ٹرمینلز کیتے نجی کمپنیاں دی حوصلہ افزائی کریسوں جیندے کیتے بڈنگ تھیسی۔
.jpg)
