پاک بحریہ اتے ترک بحریہ دی شمالی بحیرہ عرب اچ مشترکہ بحری مشقاں

2025-03-05 17:45:51

کراچی۔ 02 اگست (اے پی پی) ترک بحریہ دے جہاز کنالیاڈا دے پاکستان دے خیر سگالی دورے دی تکمیل دے بعد پاک بحریہ اتے ترک بحریہ دے جہازاں شمالی بحیرہ عرب اچ مشترکہ پٹرولنگ اتے بحری مشقاں کیتن ۔پاک بحریہ توں جاری اعلامیہ موجب انہاں مشقاں اچ مختلف بحری آپریشنز بشمول غیر روایتی خطریں دے خلاف دفاع، Visit Board Search & Seizure (VBSS) اتے ایئر ڈیفنس مشقاں شامل ہن جنہاں دا مقصد پیشہ ورانہ مہارت کوں چنڳاں بݨاوݨ تے ݙوہیں بحری فوجاں وچال سانجھا تعاون ودھاوݨ اے ۔ایندے توں پہلے دورے تے ترک بحریہ دے چیف آف اسٹاف وائس ایڈمرل ابراہیم اوزدیم دی قیادت اچ ترک بحریہ دے وفد پاک بحریہ دے فیلڈ کمانڈرز تے ٻئے عہدیداران نال ملاقاتاں کیتن جنہاں اچ سانجھی دلچسپی دے امور تے مزید تعاون دے موقع تے ڳالھ مہاڑ کیتی ڳئی۔ ترک بحریہ دے وفد بانی پاکستان کوں خراج عقیدت پیش کرݨ سانڳے مزار قائد تے پھلاں دی چادر وی چڑھائی ۔ پاکستان اتے ترکیہ وچال تاریخی طور تے گھاٹے تے بھرپی آلے تعلقات ہن تے ترک بحریہ دے جہاز دا دورہ پاکستان، ݙوہیں ملکاں وچال تکڑے ݙوطرفہ تعلقات دامظہر اے۔ اڄوکے دورے تے ݙوہیں ملکاں وچال تعلقات تے ݙوہیں بحری فوجاں وچال تعاون کوں خاص کر ودھارا ݙیسی

مضمون کا ماخذ : bolão lotofácil

متعلقہ مضامین