اسلام آباد۔12جولائی(اے پی پی)وزیر داخلہ شیخ رشید احمد آکھیا جو آزاد کشمیر اچ شفاف انتخابات کوں یقینی بݨایا ویسی۔انہاں آکھیا جو آزاد کشمیر اچ منصفانہ اتے غیر جانبدارانہ الیکشن کراوݨ سانڳے الیکشن کمیشن دی درخواست تے وزارت داخلہ ایف سی ، رینجرز سمیت سول آرمڈ فورسز دے 7 ہزار توں ودھ جوان بھجیندی پئی اے۔ آزاد کشمیر دے انتخابات اچ تحریک انصاف جتسی اتے حکومت بݨیسی، اپوزیشن پہلے توں شور مچاوݨ شروع کر ݙتے۔ سابق فاٹا دے علاقیاں اچ تھری جی اتے فور جی کھلیندے پیوں، این سی او سی دی ہدایت تے راولپنڈٰی اسلام آباد دے علاقیاں اچ سمارٹ لاک ڈائون لاتا ویندا پئے۔ سنوار کوں وزارت داخلہ اچ پریس کانفرنس نال خطاب کریندیں ہوئیں انہاں آکھیا جو مریم نواز اتے بلاول دھاندلی دا شور پاوݨ شروع کر ݙتے۔ آزاد کشمیر اچ منصفانہ اتے غیر جانبدارانہ الیکشن کراوݨ سانڳے الیکشن کمیشن دی درخواست تے وزارت داخلہ ایف سی ، رینجرز سمیت سول آرمڈ فورسز دے 7 ہزار توں ودھ جوان بھجیندی پئی اے۔ آزاد کشمیر دے انتخابات اچ تحریک انصاف جتسی اتے حکومت بݨیسی۔
