اسلام آباد۔3دسمبر (اے پی پی) صدر مملکت آصف علی زرداری دی پاکستان بلائنڈ کرکٹ ٹیم کوں چوتھا بلائنڈ ٹی 20 ورلڈ کپ جتݨ تے مبارخ ݙیندیں ہوئیں آکھیا جو معذور وی کھیݙ دے شعبے اچ نشابر کردار اداکر سڳدن۔ منگل کوں ایوان صدر دے پریس ونگ توں جاری بیان موجب صدرمملکت ٹی 20 بلائنڈ کرکٹ ورلڈ کپ فائنل اچ بنگلہ دیش کوں 10 وکٹ توں ہراوݨ تے مبارخ ݙتی۔ انہاں آکھیا جو پاکستان بلائنڈ کرکٹ ٹیم فائنل اچ شاندار کھیݙی اے۔ انہاں آکھیا جو پاکستان بلائنڈ کرکٹ ٹیم کوں چوتھا بلائنڈ ٹی 20 ورلڈ کپ جتݨ تے مبارخ ݙینداں۔ صدرمملکت آکھیا جو کھیݙ سودھے زندگی دے سارے شعبیاں اچ خصوصی لوکاں دی شمولیت ودھاوݨی پوسی۔ صدر پاکستان بلائنڈ کرکٹ کونسل کوں کامیاب ٹورنامنٹ کراوݨ تے مبارخ ݙتی۔
