اسلام آباد۔18اگست(اے پی پی)نگراں وزیراعظم انوار الحق کاکڑ کشمیریاں دی سفارتی، سیاسی و اخلاقی حمایت جاری رکھݨ دا عزم دوہریندے آکھیے جو پاکستان اقوام متحدہ دی سلامتی کونسل دی قراردادوں دے تحت کشمیریاں دی سک دے مطابق استصوابِ رائے نال تنازعہ دے حل تئیں حمایت جاری رکھسی۔ او صدر آزاد ریاست جموں و کشمیر بیرسٹر سلطان محمود چوہدری نال ملݨ ویلھے الیندے پئے ہن۔ صدر آزاد جموں و کشمیر سلطان محمود چوہدری انوار الحق کاکڑ کوں وزارت عظمیٰ دا منصب سنٻھالݨ تے مبارک ݙتی اتے آزاد جموں و کشمیر آوݨ سودھا قانون ساز اسمبلی نال خطاب دی دعوت ݙتی۔ نگراں وزیراعظم کشمیر کیتے پاکستان دی غیر مشروط حمایت دا یقین ݙویندے کشمیریاں دے نال رہݨ دا عزم دوہرایا۔
