اسلام آباد۔2نومبر(اے پی پی)صدرمملکت ڈاکٹرعارف علوی بیرون ملک مقیم پاکستانیاں کوں آکھیے جو او ملک دی ترقی اچ ودھ حصہ ڳھنݨ کیتے اپݨیاں صلاحیتاں دا بہترین استعمال کرن، ایں سانڳے آن لائن پلیٹ فارمز بہترین معاون ثابت تھی سڳدن۔ اے ڳالھ انہاں بیرون ملک مقیم پاکستانیاں سانڳے ہک تقریب نال خطاب اچ اکھی۔ تقریب اچ چیئرمین ویلفیئر سوسائٹی فار اوورسیز پاکستانیز رائٹس دائود غزنوی اتے وݙی تعداد اچ بیرون ملک مقیم پاکستانیاں شرکت کیتی۔ صدر آکھیا جو پاکستان کوں تعلیم یافتہ، تربیت یافتہ اتے اعلیٰ پیداواری انسانی وسائل چاہیدن جو ملکی ترقی و خوشحالی ممکن تھیوے، متعلقہ فریق، حکومت اتے نجی شعبہ پیداواری انسانی وسائل توں فیدہ چاوݨ کیتے سازگار ماحول ݙیوݨ لو جامع اقدامات کرن۔ انہاں آکھیا جو میں بیرون ملک مقیم پاکستانیاں کیتے ووٹ دے حق سانڳے ودھ کوششاں کرینداں پیاں جیڑھا ٹیکنالوجی اتے آئی ووٹنگ نال سوکھا تھیسی، ایں سانڳے کڄھ مسلے ہیں، بھل امید اے جو اوورسیز پاکستانیاں کوں انہاں دا حق تیکھے مل ویسی۔
.jpg)
